Դիարբեքիրում ազգային փոքրամասնությունների ներկայացուցիչներից բաղկացած քաղաքային խորհրդի կողմից ստեղծվել է Համատեղ ցավի հուշարձան, որը նվիրված է Թուրքիայի հանրապետությունից առաջ եւ հետո կոտորված հայերի, քրդերի, քաղդեացիների, հրեաների, ասորիների, եզդիների եւ մուսուլմանների հիշատակին (ֆոտոռեպորտաժ):
Ինչպես Դիարբեքիրից տեղեկացնում է NEWS.am-ի թղթակիցը, սեպտեմբերի 12-ին, Դիաբեքիրի Սուրի շրջանի Անզելեի այգում տեղի է ունեցել Համատեղ խղճի հուշարձան, որի բացմանը մասնակցել են Սուրի քաղաքապետ Աբդուլլահ Դեմիրբաշը, Դիարբեքիրի փոխքաղաքապետ Հաֆիզե Իփեքը, ասորական Սուրն Աստվածածին եկեղեցու խորհրդի նախագահ Ջան Շաքարերը, հայկական Սուրբ Կիրակոս եկեղեցու խորհրդի նախագահ Էրգյուն Այըքը, դիարբեքիրիցի հայտնի հայ գրող Մկրտիչ Մարկոսյանը եւ մի շարք պաշտոնյաներ եւ արվեստագետներ:
Սուրի քաղաքապետ Աբդուլլահ Դեմիրբաշն իր խոսքում նշեց, որ այս հողերում ցավեր պատճառած իշխողներն այսօր արդեն պետք է ներողություն խնդրեն այդ ժողովուրդներից:
Դիարբեքիրցի հայ գրող Մկրտիչ Մարկոսյանն էլ իր խոսքում շեշտեց, թե այսօր հիշյալ թաղամասում գյավուրներ չկան, սակայն անունը դեռ մնում է: Հուսով եմ, որ սրանից հետո այս թաղամասերում գյավորները, քրդերը, ալեւիները եւ բոլոր ժողովուրդները միասին թեւ-թեւի տված խաղաղությամբ կքայլեն,-նշել է Մարկոսյանը:
Հուշարձանն իրենից ներկայացնում է վառվող կրակի մեջ նետված գիրք,իսկ գրքի մեջ արտասվող աչք: Մեկ տոննա քաշով, 3 մետր երկարությամբ եւ 2 մետր լայնությամբ հուշարձանի վրա հայերենով, թուրքերենով, քրդերենով, եբրայերենով, արաբերենով եւ անգլերենով գրված է. Ցավերը միավորեցինք, որ այլեւս չկրկնվեն:
Ավելի վաղ Սուրի քաղաքապետ Աբդուլլահ Դեմիրբաշը թուրքերենով եւ հայերենով հրատարակել է հայկական մի շարք հեքիաթներ, այդ թվում Թումանյանի «Մի կաթիլ մեղրը»։ Դեմիրբաշի նախաձեռնությամբ նաեւ Դիարբեքիրը ներկայացնող տուրիստական ուղեցույցը տպագրվել է նաեւ հայերենով։ Սուրի շրջան մտնող ճանապարհների մոտ դրված ցուցանակների վրա կա նաեւ հայերենով գրված «Բարի եկաք» գրությունը:
Բացի այդ, Աբդուլլահ Դեմիրբաշը Դիարբեքիրում պարբերաբար կազմակերպում է հայերենի դասընթացներ, որին մասնակցում են թե իրենց բացահայտ հայ համարողները, թե ծպտյալ հայերը:
Leave a Reply