Թուրքիայի մի շարք քաղաքներում այս գիշեր ևս ցույցեր են ընթացել, որոնց ընթացքում բախումներ են եղել ոստիկանների և ցուցարարների միջև։
Ցույցերի մասնակիցները բողոքել են Թուրքիայի կառավարության ու Արդարություն և զարգացում իշխող կուսակցության քաղաքականությունից, ինչպես նաև` օրերս երիտասարդ ցուցարարի մահվան դեպքի դեմ։
Գիշերային ժամերին բախումներ են եղել Ստամբուլի, Անկարայի, Իզմիրի մի շարք հատվածներում և Թուրքիայի այլ քաղաքներում։ Ոստիկանների և ցուցարարների միջև ընդհարումների հետևանքով կան վիրավորներ, տասնյակ մարդիկ ձերբակալվել են։ Ոստիկանները կրկին արցունքաբեր գազ, ջրցան մեքենաներ և մահակներ են օգտագործել ցուցարարների դեմ։
Նշենք, որ Թուրքիայում հակակառավարական ցույցերը նոր ուժգնությամբ վերսկսել էին, երբ սեպտեմբերի 9-ին Անթաքիայում բողոքի ակցիայի ժամանակ մահացել էր 22-ամյա Ահմեթ Աթաքանը։ Նախնական տվյալներով՝ նա գանգուղեղային վնասվածք էր ստացել ոստիկանների արձակած արցունքաբեր գազի սրվակի պատճառով։
Բախումներն, արդեն մի քանի օր է, ինչ շարունակվում են։
allTurkey.am
Leave a Reply