Հինգ օր կշարունակվի Երեւանից հետո Գյումրու Ասլամազյան քույրերի պատկերասրահում սեպտեմբերի 10-ին բացված մուլտիմեդիա ցուցահանդեսը, որը «Սպասումից վեր. պատմություններ թուրք-հայկական սահմանից» խորագիրն է կրում: «Հրանտ Դինք» հիմնադրամը, Գյումրու «Երիտասարդական նախաձեռնությունների կենտրոն» ՀԿ-ն եւ այլ կազմակերպություններ ներկայացրել են հայ եւ թուրք ռեժիսորների հինգ փաստագրական ֆիլմեր, որոնք պատմում են Կարս եւ Գյումրի սահմանային քաղաքների միջեւ տարիներ ի վեր դադարեցված երկխոսությունը, բնակավայրերը, մարդկանց ու քաղաքակրթությունները բաժանող փակ սահմանի մասին: Ֆիլմերը նկարահանվել են Նիդեռլանդների Թագավորության գլխավոր հյուպատոսարանի եւ Բրիտանիայի դեսպանատան հովանավորած ծրագրի շրջանակներում:
Ծրագրի նպատակն է ստեղծել բարենպաստ միջավայր թուրք եւ հայ երիտասարդ լուսանկարիչների համատեղ արտադրանքի համար, նպաստել երկու հարեւան երկրների երկխոսությանը:
http://azg.am/AM/2013091211
Leave a Reply