Հայկական ունեցվածքի վերադարձը՝ թուրքական ազգային ինքնության հարց. Թ. Աքչամ

Taner AkçamՍեպտեմբերի 10-ին թուրք պատմաբան Թաներ Աքչամը «Մեր տնտեսագետները և հայկական ունեցվածքը» խորագրով հոդված է հրապարակել թուրքական Taraf թերթում: Հոդվածում Աքչամը գնահատել է թուրք հոդվածագիրներ Սուլեյման Յաշարի և Էնգին Արդըչի խիզախությունը, որոնք անդրադարձել են այնպիսի զգայուն թեմայի, ինչպիսին Հայոց ցեղասպանությունից հետո հայկական ունեցվածքի յուրացումն է:

Իր հոդվածում Աքչամն անդրադառնում է Էնգին Արդըչի այն դիտարկմանը, թե Հայկական հարցի հիմքում ընկած է փողը, և Թուրքիայի իշխանությունները վախենում են փոխհատուցման պահանջների բարձրացումից:  

Ըստ Աքչամի` պատճառն ավելի խորքային է և կապված է թուրքական ազգային ինքնության հետ:

«Բարձրացնել հայկական ունեցվածքի հարցը նշանակում է քանդել այն ամենը, ինչի վրա խարսխված է թուրքերի կյանքը», – գրում է Աքչամը:

Աքչամի բարձրացրած երկրորդ հարցն այն է, թե ովքեր են յուրացրել հայկական ունեցվածքը: Հայերի մեծամասնությունն ապրում էր քրդերով բնակեցված շրջաններում, և հայկական ունեցվածքի մի զգալի հատվածը հենց քրդերն են յուրացրել:

«Քրդերը պետք է հրաժարվեն այն թեզից, համաձայն որի՝ «Թուրքերն են իրենց օգտագործել հայկական կոտորածներում: Ավելին՝ երբեմն հակառակն է եղել: Հայկական կոտորածները թուրք-քրդական կամավոր համագործակցության հետևանք են, և երկու կողմերն էլ պատասխանատու են տեղի ունեցածի համար», – կարծում է Աքչամը:

Թաներ Աքչամի համոզմամբ՝ Էրդողանի կողմից ազգային փոքրամասնությունների հիմնադրամներին ունեցվածքի սահմանափակ վերադարձը գեթ մի կաթիլ է` ծովում, և «լարվածություն չի առաջացնի Էրդողան – «սպիտակ թուրքեր» հարաբերություններում»:

Այս պատճառով, կարծում եմ, որ ունեցվածքի սահմանափակ վերադարձի՝ Էրդողան–«սպիտակ թուրքեր» բախման ճանապարհը բացելու հավանականությունը կասկածելի է: Հատկապես, եթե նկատի առնենք Արդարություն և զարգացում կուսակցության` Անատոլիայում ունեցած աջակցության մեծ տոկոսը՝ ավելի ճիշտ կլինի խոսել Էրդողան–«սպիտակ թուրքեր» համագործակցության մասին: Չպետք է մոռանալ նաև քրդերին: Ցավոք՝ այս կոալիցիան շատ մեծ է», – գրում է թուրք պատմաբանը:

http://civilnet.am/2013/09/10/taraf-taner-akcam-armenian-property/

Leave a Reply

Your email address will not be published. Required fields are marked *

Վերջին Յաւելումներ

Հետեւեցէ՛ք մեզի

Օրացոյց

September 2013
M T W T F S S
 1
2345678
9101112131415
16171819202122
23242526272829
30  

Արխիւ