Թուրքիան հայերին է մեղադրել հակաստամբուլյան պաստառների համար

Թուրքական լրատվամիջոցները մեղադրում են հայկական կազմակերպություններին՝ Արգենտինայում Ամառային օլիմպիական խաղերի մայրաքաղաքի ընտրության ժամանակ Ստամբուլի դեմ ծավալված արշավին, որի ժամանակ Բուենոս Այրեսում Թուրքիայի թեկնածության դեմ պաստառներ էին կախվել։

Պաստառների վրա Ստամբուլում ամռան սկզբին Գեզի զբոսայգու իրադարձությունների հետ կապված ցույցերը պատկերող նկարներ էին, ինչպես նաև տողեր, որոնցով կոչ էր արվում Օլիմպիադայի անցկացումը չվստահել Ստամբուլին։

Նշենք, որ Ամառային օլիմպիական խաղերի մայրաքաղաքի ընտրությունն անցկացվել էր Բուենոս Այրեսում սեպտեմբերի 7-ին։  Ստամբուլի և Տոկիոյի հետ պայքարում էր նաև իսպանական Մադրիդը, որը, սակայն, պայքարից դուրս մնաց քվեարկության առաջին փուլում: Երկրորդ փուլում հաղթած Տոկիոն ստացավ 60 ձայն, իսկ Ստամբուլը` 36:

Արգենտինա էր մեկնել Թուրքիայի վարչապետ Թայիփ Էրդողանը` տեղում պաշտպանելու Ստամբուլի թեկնածությունը: Էրդողանի այցի ժամանակ արգենտինահայերը բողոքի ակցիաներ են անցկացրել Բուենոս Այրեսում։

allTurkey.am