Թուրքիայում հակակառավարական ցույցի ընթացքում երիտասարդ է սպանվել

Թուրքական Հաթայ նահանգի Անթաքիա շրջանում գիշերը բողոքի ակցիա է տեղի ունեցել` ընդդեմ իշխող Արդարություն և զարգացում կուսակցության վարած քաղաքականության, տեղեկացնում է «Հյուրիյեթը»։

Ակցիայի ընթացքում բախումներ են տեղի ունեցել անվտանգության ուժերի և ցուցարարների միջև։ Բախումների հետևանքով զոհվել է մեկ մարդ, մի քանիսը վնասվածքներ են ստացել։

Թուրքական ոստիկանությունն արցունքաբեր գազ է կիրառել:

Ըստ թուրքական լրատվամիջոցների՝ զոհվածը 22-ամյա երիտասարդ է։

Հիշեցնենք, որ մայիսի վերջին Թուրքիայում բողոքի զանգվածային ակցիաներ և բախումներ էին տեղի ունեցել Ստամբուլի Թաքսիմ հրապարակին կից Գեզի պուրակում ծառահատումներ իրականացնելու որոշման դեմ, սակայն թուրքական կառավարության պնդմամբ՝ դրանք հակակառավարական բնույթ ունեին։

http://www.tert.am/am/news/2013/09/10/turkey-antakya/