Այսօր Դիարբեքիրի Սուրբ Կիրակոս եկեղեցում պատարագ է մատուցվելու

Դիարբեքիրում, ասյօր`սեպտեմբերի 10-ին, տեղի է ունենալու պատարագ հայկական Սուրբ Կիրակոս եկեղեցում:

Ինչպես Դիարբեքիրից տեղեկացնում է NEWS.am-ի թղթակիցը, Դիարբեքիրի Սուրբ Կիրակոս եկեղեցում, արդեն մեկ շաբաթ է, պատրաստվում են պատարագին: Այս տարվա պատարագը յուրահատուկ է նրանով, որ առաջին անգամ Վանի Աղթամարի Սուրբ Խաչի պատարագից երկու օր անց պատարագ է մատուցվելու նաև Դիարբեքիրի Սուրբ Կիրակոսում:

Դրա նպատակն այն է, որ Աղթամարի պատարագին եկած ուխտավորները կարողանան մասնակցել նաեւ Դիարբեքիրի Սուրբ Կիրակոսի պատարագին:

Ինչպես Աղթամարի պատարագը, այնպես էլ Սուրբ Կիրակոսի պատարագը ղեկավարելու է Պոլսո հայոց պատրիարքական փոխանորդ, արք. Արամ Աթեշյանը:

Նշենք, որ Մերձավոր Արեւելքի ամենամեծ եկեղեցիներից մեկի՝ Սուրբ Կիրակոսի վերաբացումն ու օծումը տեղի է ունեցել 2011 թ. հոկտեմբերի 22-ին, իսկ առաջին պատարագը մեկ օր անց՝ հոկտեմբերի 23-ին:

Սուրբ Կիրակոսի վերանորոգումը իրականացվել է դիարբեքիրցի հայերի եւ Դիարբեքիրի քաղաքապետարանի աջակցությամբ:

Սուրբ Կիրակոսը վերաբացվել է որպես գործող եկեղեցի:

http://news.am/arm/news/170509.html