Քրդական ծագումով Թուրքիայում հայտնի գրող Յաշար Քեմալին Ստամբուլի իր բնակարանում հանձնվել է «Գրիգոր Նարեկացի» հուշամեդալը։
Քեմալն ակտիվ մասնակցություն է ունեցել Վանի Աղթամար կղզու Սուրբ Խաչ հայկական եկեղեցին 1951 թվականին թուրքական իշխանությունների կողմից ոչնչացումից փրկելու գործում:
«Գրիգոր Նարեկացի» հուշամեդալը Քեմալին հանձնել են Թուրքիա մեկնած ՀՀ մշակույթի նախարարության ներկայացուցիչ Սեյրանուհի Գեղամյանը, ՀՀ ազգային ժողովի պատգամավոր Արագած Ախոյանը և Արևմտահայերի ազգային համագումարի ներկայացուցիչներ Վահան Մելիքյանը եւ Սևակ Արծրունին։
Քեմալը հուշամեդալով է պարգևատրվել հայ ժողովրդի մշակութային ժառանգության նկատմամբ ունեցած խոր հարգանքի եւ քաղաքացիական խիզախումի, արդարության, ազատության և մարդկային արժանապատվության արժեքների հանդեպ նվիրումի եւ գրական վաստակի համար։
Նշենք նաև, որ Քեմալի գրքերը թարգմանվել են նաև հայերեն:
allTurkey.am
Leave a Reply