Թուրքիայում կվերակառուցվի հայ վարպետի կառուցած մզկիթը

Թուրքիայի Սըվաս (Սեբաստիա) նահանգում փլուզման վտանգի առջև կանգնած հայ վարպետի կառուցած Հոջա Իմամ մզկիթը վերակառուցվելու է, տեղեկացնում է Dünya Bülteni կայքը։

Մզկիթի այցելուները պատմել են, որ դրա բակում գտնվող շինությունների վրա ճաքեր և ճեղքեր են առաջացել։ Իրավիճակի մասին տեղյակ են պահվել պատկան մարմինները, և այժմ ակնկալվում է, որ մզկիթի վերակառուցման համար նախագիծ կազմվի։

Մզկիթը կառուցվել է Օսմանյան կայսրության տարիներին՝ 1872թ.։ Այն կառուցելու գործը հանձնարարվել էր հայ վարպետի։

Ենթադրվում է, որ վերակառուցման աշխատանքները կմեկնարկեն 2014 թ.։ Մզկիթը, որն այդ շրջանի ամենագեղեցիկ մզկիթներից մեկն է համարվում,  կվերակառուցվի ամբողջությամբ։

http://www.tert.am/am/news/2013/09/03/sivas/