Հյուսիսային Իրաքում լույս տեսնող «Rudaw» թերթը, հիմնվելով TUIK-ի տրամադրած տվյալների վրա, ներկայացնում է մի հետաքրքիր հետազոտության արդյունքները: Պարզվել է, որ վերջին շրջանում Թուրքիայում ավելացել է քրդական անձնանունների կիրառումը: Քուրդ ընտանիքներն արդեն հնարավորություն ունեն իրենց երեխաներին տալ քրդական գյուղերի, սարերի կամ հեղափոխական գործիչների անուններ:
Այսպես ամենահայտնի քրդական անունների թվում է Դիարբեքիրի մյուս անունը՝ Ամեդ: Թուրքիայում այս անունը կրող 1400 երեխա կա: Ամեդ անունից հետո ամենատարածվածը Դերսիմն է: 208 երեխայի տվել են այս անունը, քանի որ հենց Դերսիմում է ծնվել քրդական շարժման առաջնորդներից Սեյիդ Ռիզան: Քրդական անունների թվում ճանաչում է ձեռք բերում PKK–ի առաջնորդ Աբդուլլահ Օջալանի անունը, որով կոչել են 68 երեխայի: Սիրված անունների թվում են նաև մյուս քուրդ առաջնորդներ Բարզանիի և Թալաբանիի անունները, ինչպես նաև` Քուրդիստան անձնանունը:
Leave a Reply