Թուրքական զորամասերում թմրանյութ են աճեցնում

Թուրքիայի զինված ուժերում զինծառայողները զբաղվում են թմրանյութեր աճեցնելով: Ըստ թուրքական լրատվամիջոցների` այս մասին նշված է Թուրքիայի ԶՈւ գլխավոր շտաբի պատրաստած զեկույցում:

Ըստ զեկույցի` Թուրքիայի զինված ուժերում թմրանյութ է օգտագործում զինծառայողների 12 տոկոսը (հիմնականում պարտադիր ժամկետային զինծառայողներ):

Նրանց մի մասն առաջին անգամ թմրանյութ է օգտագործում զինվորական ծառայության ժամանակ: Նշվում է նաև, որ զինվորները հաճախ անմիջապես զորամասի տարածքում են թմրանյութ աճեցնում և օգտագործում: Հիմնականում զինվորականներն օգտագործում են կանեփ տեսակի թմրանյութ:

Օրինակ, թմրանյութերի աճեցման դեպք է հայտնաբերվել Մալաթիայի Ալթայի զորամասի տարածքում:

allTurkey.am