Ստամբուլում ոստիկանությունը շղթայել է Գեզի այգին՝ սպասվող ցույցերի հետ կապված

Ստամբուլի ոստիականությունը շղթայել է Գեզի այգին և պատնեշներ է տեղադրել Թաքսիմ հրապարակը շրջապատող փողոցներում՝ կապված սպասվող բողոքի ակցիաների հետ: Բողոքի ցույցերը նախատեսված են իրականացնել Առաջին համաշխարհային պատերազմի մեկնարկի օրվան ընդառաջ և տարածաշրջանում լարված ռազմատենչ տրամադրությունների ուժեղացմանը զուգահեռ, տեղեկացնում է ИТАР-ТАСС-ը:
Հարյուրավոր ցուցարարներ Ստամբուլի տարբեր շրջաններում իրականացրել են «կենդանի շղթա» ակցիան՝ ձեռք ձեռքի բռնած կանգնելով մայթուղիներին: Ցուցարարներից ոմանք սպիտակ դրոշակներ են թափահարել՝ որպես խաղաղության խորհրդանիշ: Ցուցարարների խոշոր խմբեր շարունակում են շարժվել Ստամբուլի կենտրոնական փողոցներով:
Իրավիճակը հրապարակում դեռևս հանգիստ է, խոշոր միջադեպեր տեղի չեն ունեցել, նշում է աղբյուրը:  

http://www.tert.am/am/news/2013/09/01/istambul-gezi/