Զատկի` չամիչով փլավի բրինձը խորհրդանշում է ժողովրդին, իսկ չամիչը հոգևորականներն են

Սխալ է Սուրբ Զատկի օրը այցելությունները ննջեցյալներին:

Այցելությունները պետք է կատարվեն հաջորդ օրը, իսկ ամսի 31-ին բուն Սուրբ Զատկի տոնն է:

Այս մասին լրագրողներ հետ հանդիպմանը նշեց Տեր Բաբկեն քահանան` անդրադառնալով մարտի 31-ին նշվելիք Սուրբ Զատկի տոնին:

Քահանան նշեց, որ թյուր է մոտեցումը հին ու նոր ննջեցյալների մասին. «Նման բան չկա, բոլոր ննջեցյալները հիշվում են Սուրբ Խորանի վրա և կատարվում է խնկարկում»:

Քահանան տեղեկացրեց, որ սխալ է ժողովրդի մոտ ընդունված փոքր զատիկ կամ մեծ զատիկ հասկացությունը. «Կա Սուրբ Ծնունդ, որը տոնվում է հունվարի 6-ին, և՝ Հարության Զատիկ»:

Նա հայտնեց, որ երեկ Ավագ ուրբաթ էր, և եկեղեցիներում կատարվում էր Խաչելության կարգ. «Շաբաթ երեկոյան պատարագ է: Պատարագից հետո միմյանց պետք է ողջունել «Քրիստոս հարյավ ի մեռելոց»` ի պատասխան ասելով «Օրհնյալ է հարությունը Քրիստոսի» խոսքերով»:

Տեր Բաբկեն քահանան անդրադարձավ նաև տոնական սեղանին՝ նշելով, որ հավկիթը պետք է ներկել միայն կարմիր գույնով, ինչը խորհրդանիշն է Քրիստոսի արյունը, որով Երկիրը մաքրվեց մեղքերից:

«Չամիչով փլավի հետ կապված նշեմ, որ բրինձը խորհրդանշում է ժողովրդին, իսկ չամիչը հոգևորականներն են»,- հայտնեց քահանան:

http://haynews.am/hy/1364544515