Ապրիլի 24-ին Սեւակին սպանած թուրք զինվորը բանտում կանցկացնի ընդամենը 3 տարի

Դիարբեքիրի օդուժերի 2-րդ զինվորական դատարանը 2011 թ. ապրիլի 24-ին ծառայակցի կողմից սպանված Սեւակ Շահին Բալքըչըի գործով դատավճիռ է կայացրել:

Ինչպես տեղեկացնում է Ստամբուլի հայկական «Ակօս»-ը, Սեւակ Շահին Բալըքչըի սպանության գործով` դատարանը 4,5 տարվա ազատազրկման է դատապարտել Սեւակի զինծառայակից Քվանչ Աղաօղլուին` անփութության հետեւանքով մարդ սպանելու համար:

Դատարանը, հաշվի առնելով, որ Քվանչ Աղաօղլուն որոշ ժամանակ կալանքի տակ է եղել, որոշում է կայացրել, որ նա 3 տարի է գտնվելու ազատազրկման մեջ:

Նշենք, որ Սեւակի զորացմանը մնացել էր 23 օր։  2011 թ. ապրիլի 24-ի առավոտյան նա սպանվել է մեկ այլ զինծառայող` Քվանչ Աղաօղլուի կողմից: Սպանության հետ կապված` ժանդարմերիան հայտարարել է, որ այն տեղի է ունեցել ծառայակից ընկերոջ հետ կատակ անելու ժամանակ, իբր, պատահաբար արձակված կրակոցից։ Սեւակի ծնողները պնդում են, որ իրենց որդուն սպանել են ազգայնականության հողի վրա՝ հայ լինելու համար։

Դատարանը հենց առաջին դատական նիստին ազատ է արձակել Քվանչ Աղաօղլուին` նշելով, թե նա փախչելու առիթ չունի: Դիարբեքիրի զինվորական դատարանում բարձրաստիճան մի զինվորական, ում անունը չի հայտնվում, հայտարարել է, թե Սեւակի սպանությունից հետո ականատես մի զինվոր մոտեցել է իրեն` ասելով, թե Քվանչ Աղաօղլուն Սեւակին ասել էր. «Թմբլիկ, քեզ սպանելու եմ»։

 http://news.am/arm/news/146235.html