Ադրբեջանն ու Թուրքիան «անտեսանելի ատրճանակներ» կարտադրեն

Ադրբեջանի ռազմական արդյունաբերության նախարարությունը թուրքական TISAŞ ընկերության հետ համատեղ պատրաստվում է պոլիմերային կորպուսով ատրճանակ ստեղծել։

Ինչպես տեղեկացնում է haqqin.az-ը, այդ մասին հայտարարել է TISAŞ-ի տնօրեն Ահմեթ Ալեմդարօղլուն։

Նրա խոսքով՝ փետրվարին Թուրքիայում պատրաստվել են ատրճանակի նախնական տարբերակները և ուղարկվել են Ադրբեջան՝ փորձարկելու։

«Մենք արդեն Բաքու ենք ուղարկել 10 նման ատրճանակ։ Դրանց համատեղ արտադրությունը կսկսվի փորձարկումներից հետո»,-ասել է նա։

Ընկերության տնօրենը հայտարարել է, որ պոլիմերային կորպուսով զենքերը նախատեսվում են ուժային կառույցներում կիրառելու համար։ Այդ զենքերը տարբերվում են իրենց թեթևությամբ։

http://tert.am/am/news/2013/03/26/polimer/