Թուրքիայի հարավ-արեւելյան Դիարբեքիր քաղաքում մարտի 21-ին Նովրուզի տոնակատարության ժամանակ քրդական Խաղաղություն եւ ժողովրդավարություն կուսակցության պատգամավորները բեմից թուրքերենով եւ քրդերենով ընթերցել են Իմրալը կղզում ցմահ բանտարկված PKK-ի առաջնորդ Աբդուլլահ Օջալանի ուղերձը։
Թուրքական Milliyet-ի փոխանցմամբ՝ Դիրաբեքիրում Նովրուզի պատմական տոնակատարությանը մասնակցելու եւ Օջալանի ուղերձը լսելու համար հավաքվել են ռեկորդային թվով մասնակիցներ՝ 1 մլն։
Ներկայացվում է Օջալանի ուղերձից հատվածներ.
«Ճնշումների համակարգի դարաշրջանն ավարտվել է. ժողովուրդները ազատություն եւ եղբայրություն են ցանկանում։
Այսօր նոր դարաշրջան է Թուրքիայի եւ Մերձավոր Արեւելքի համար։
Քրդերը պայքարով ձեռք բերեցին իրենց ինքնությունը։
Արդեն թող զենքերը լռեն, քաղաքականությունը օրակարգում լինի։
Մեր զինված ուժերը թող սահմանից դուրս գան։
Սա վերջը չէ, այն մի նոր ժամանակաշրջանի սկիզբն է»։
Leave a Reply