Մարտի 19-ին Ստամբուլի առաջին ատյանի 18-րդ դատարանում տեղի է ունեցել “Ակօս” շաբաթաթերթի գլխավոր խմբագիր Ռոբեր Քոփթաշի դեմ ներկայացված դատական հայցի առաջին նիստը: Թուրքիայի Աշխատավորական կուսակցության ղեկավար Դողու Փերինչեքը մեղադրում է Քոփթաշին կուսակցության և իր հասցեին անձնական վիրավորանք հնչեցնելու մեջ, հաղորդում է Ստամբուլում լույս տեսնող հայկական “Ակօս” թերթը:
Աշխատավորական կուսակցության ղեկավարը “Ակօսի” գլխավոր խմբագրից պահանջում է 2011թ. օգոստոսի 26-ի համարում հրապարակված «Աշխատավորական կուսակցությանն օգնելու ամոթը» հոդվածի համար որպես բարոյական վնասի փոխհատուցում վճարել 10 հազ. թուրքական լիրա: Այդ հոդվածում Քոփթաշը քննադատել էր Ազատություն և համերաշխություն ձախակողմյան կուսակցության նախագահին, որն այցելել է հակադեմոկրատական քաղաքականությամբ հայտնի Աշխատավորական կուսակցության ներկայացուցիչներին, որոնք ձերբակալվել էին ահաբեկչական կազմակերպության մեջ ներգրավված լինելու մեղադրանքով:
Դատական հաջորդ նիստը տեղի կունենա մայիսի 14-ին:
Նշենք, որ Փերինչեքն այժմ ձերբակալված է Էրգենեքոնի գործով:
Leave a Reply