Թուրք քաղաքապետերը մասնակցել են «Անուշ» օպերայի բեմադրությանը

Արմեն Տիգրանյանի «Անուշ» օպերան, որը հանդիսանում է հայ ժողովրդական երաժշտական լեզվով գրված առաջին լիավարտ օպերան, բեմադրվել է նաեւ Ստամբուլում։

Ստամբուլի հայկական «Ակօս»-ի փոխանցմամբ՝ Շիշլիի քաղաքային մշակույթի կենտրոնում, մարտի 13-ին տեղի ունեցած գալա-ներկայացմանը մասնակցել են Շիշլիի քաղաքապետ Մուսթաֆա Սարըգյուլը, փոխքաղաքապետ, ազգությամբ հայ Վազգեն Բարընը, Ստամբուլի հարակից կղզիների քաղաքապետ Մուսթաֆա Ֆարսաքօղլուն եւ փոխքաղաքապետ, ազգությամբ հայ Րաֆֆի Հերմոն Արաքսը, Պոլսո հայոց պատրիարքական ընդհանուր փոխանորդ, արք. Արամ Աթեշյանը։

Ստամբուլում «Անուշ» օպերայի բեմադրության հեղինակն է Լեւոն Թաբերյանը, ով օպերայի մասին արել էր հետեւյալ մեկնաբանությունը. «Ավելի ըմբոստ, ավելի թեժ, մի նոր Անուշ»։

«Անուշ» օպերայի տոմսերը մեծ արագությամբ վաճառվել են, եւ բեմադրության կազմակերպիչները նախատեսել են հավելյալ բեմադրություններ կազմակերպել:

http://news.am/arm/news/145081.html