Թուրքիայում «Էրգենեքոն»-ի գործով 64 կասկածյալի ցմահ ազատազրկում է սպառնում

Թուրքիայի դատախազությունն «Էրգենեքոնի» գործով ձերբակալված Թուրքիայի ՊՆ գլխավոր շտաբի նախկին պետ Իլքեր Բաշբուղին և ևս 63 հոգու համար ցմահ ազատազրկում է պահանջել։

Ինչպես տեղեկացնում է «Անադոլու» գործակալությունը, նրանք մեղադրվում են պետական հեղաշրջման փորձի համար։

Ցմահ ազատազրկում է սպառնում նաև ընդդիմադիր Ժողովրդահանրապետական կուսակցության պատգամավորներ Մեհմեթ Հաբերալին և Մուսթաֆա Բալբային։

Գեներալ Բաշբուղը հրաժարական էր տվել 2010թ.։ Այժմ նա ձերբակալված է այսպես կոչված «Էրգենեքոնի» գործով, որի շրջանակներում նախատեսվում էր պետական հեղաշրջում իրականացնել։

Գործող իշխանությանը տապալելու և երկրում անկարգություններ հրահրելու համար Թուրքիայում «ահաբեկչական» համարվող «Էրգենեքոն» խմբավորումը բազմաթիվ մահափորձեր էր ծրագրել։

http://tert.am/am/news/2013/03/19/ergemekon/