Էրդողանը խոսել է Թուրքիայի մասնատման մասին

Դարդանելի ճակատամարտի 98-րդ տարելիցի կապակցությամբ կազմակերպված միջոցառման ժամանակ Թուրքիայի վարչապետ Ռեջեփ Թայիփ Էրդողանը հայտարարել է, որ Թուրքիայի մասնատում թույլ չեն տա:

Ինչպես հաղորդում է «Արմենպրես»–ը` վկայակոչելով թուրքական ԶԼՄ-ները, Էրդողանն ասել է, որ 783 հազար քառ. կմ տարածքով Թուրքիան հավասարապես, անկախ ազգությունից, իր բոլոր բնակիչների համար հայրենիք է հանդիսանում, եւ նրանք բոլորն ունեն նույն իրավունքները: Վարչապետը հայտարարել է, որ ինքը ճանաչում է միայն մեկ դրոշ` Թուրքիայի կարմիր դրոշը:

«Թուրքիան մասնատելու հարցով հետաքրքրված ուժեր կան: Մենք դրա համար նրանց հարմար առիթ չենք տա: Ազգություն հասկացողության մեջ մտնում են ոչ միայն էթնիկ թուրքերը: Ազգության բնորոշումն ընդգրկում է այս երկրում բնակվող բոլորին: Մենք միայն մեկ դրոշ ենք ճանաչում, որի վրայի աստղերը մեր նահատակներն են», – ասել է նա:

http://armenpress.am/arm/news/712007/erdoxany-khosel-e-turqiayi-masnatman-masin.html