Թուրքիայում կալանավորել են ԱՄՆ քաղաքացի Սարա Սիերայի սպանության մեջ մեղադրվող տղամարդուն:
«Լազ Զիյա» մականունով հայտնի տղամարդ, ում ազգանունը չի նշվում, ձերբակալվել է նախօրեին: Ինչպես երևում է կալանավորված տղամարդու մականունից, նա ազգությամբ լազ է:
Հիշեցնենք, որ հունվարի սկզբին միայնակ Ստամբուլ էր ժամանել ԱՄՆ քաղաքացի, լուսանկարիչ Սարա Սիերան, ով անհետ կորել էր: Օրեր անց նրա մարմինը հայտնաբերել էին Ստամբուլի թաղամասերից մեկում:
Ամերիկացի լուսանկարչի սպանությունը մեծ աղմուկ էր բարձրացրել ինչպես Թուրքիայում, այնպես էլ նրա սահմաններից դուրս: Սիերան ամուսնացած էր և երկու երեխա ուներ:
Մահացածի մարմինը հայտնաբերելուց հետո մամուլում տեղեկություններ տարածվեցին, թե Սիերան կարող էր Թուրքիա մեկնել թմրանյութերի վաճառքի համար: Միայնակ Ստամբուլ ժամանած ամերիկուհին նախատեսում էր այցելել նաև Ամստերդամ:
Leave a Reply