Վանի թաքնված սառցե հրաշքները

Վանա լճից 15 կմ հեռավորության վրա գտնվող Վարագա լեռան քարանձավներում առաջացած սառցակտորները գրավում են լեռնագնացների ուշադրությունը։

Թուրքական Hurriyet-ի փոխանցմամբ՝ եղանակների տաքանալուն ընդառաջ թուրքական Patika Doğa Sporları ակումբի լեռնագնացները եւ Վանի Հարյուրամյա համալսարանի ֆիզիկական կուլտուրայի ամբիոնի մի քանի դասախոսների հետ մագլցել են 3 հազար 250 մետր բարձրություն ունեցող Վարագա լեռը։

Վարագա լեռան քարանձավներում հայտնաբերած յուրահատուկ սառցաբեկորները նկարահանած լեռնագնացները նշել են, որ պետք է ուշադրություն դարձնել Վանի թաքնված հրաշքներին։

Նշենք, որ Վարագա լեռան լանջին է գտնվում հայտնի Վարագավանքը, որը ներկայում կիսաքանդ վիճակում է։ Վարագավանքը կառուցվել է Ս.Հռիփսիմեի կողմից այդ վայրում թողնված Քրիստոսի խաչափայտի մասունքի տեղում՝ Վարագ լեռան լանջին:  Սկզբում կառուցվել է Ս.Նշան եկեղեցին, այնուհետ եկեղեցիների քանակը հասել է 7-ի:

http://news.am/arm/news/144663.html