Ադրբեջանում քննարկում են բանակը թուրքականացնելու հնարավորությունները

Թուրքիայի Զինված ուժերի բարձրաստիճան սպայակազմն այցելել է Ադրբեջան, ինչի արդյունքում Ադրբեջանում սկսել են քննարկվել ադրբեջանական բանակը թուրքականացնելու մասին: Ինչպես հաղորդում է «Արմենպրես»-ը` վկայակոչելով ադրբեջանական Haqqin.az-ը, Ադրբեջանի Միլլի մեջլիսի պատգամավոր, անվտանգության և պաշտպանության հարցերով հանձանժողովի անդամ Զահիդ Օրուջը խոսել է «եղբայրական Թուրքիայի» հետ Ադրբեջանի ռազմական համագործակցության մասին:

Օրուջն առաջարկել է, որպեսզի այսուհետ թուրքական բարձրաստիճան սպայակազմը հստակ տեղ զբաղեցի ադրբեջանական բանակում: «Եթե թուրքական սպայակազմն ադրբեջանական բանակում ներկայացված լինի ոչ միայն խորհրդատուի ձևով, այլ նրանց տրվի խորհրդականի կարգավիճակ, ապա հնարավոր կլինի հասնել ադրբեջանական պաշտպանական համակարգի միավորմանը թուրքականի հետ, ինչը նոր ճանապարհ կարող է հարթել համատեղ գործողություններ իրականացնելու համար»,- հայտարարել է ադրբեջանցի պատգամավորը` առաջարկելով ստեղծել համատեղ զորամիավորումներ:

Ներկայում Ադրբեջանում գտնվող թուրքական զինված ուժերի ներկայացուցիչների կազմում են 15 բարձրաստիճան թուրք սպաներ:

http://armenpress.am/arm/news/711572/adrbejanum-qnnarkum-en-banaky-turqakanacnelu-masin.html