Հայաստանյան լրատվամիջոցները, որպես արտակարգ նորություն, տարածում են այն լուրը, որ երեկ Հռոմի նոր Պապ ընտրված Ֆրանցիսկ Առաջինը, ով նախկինում Բուենոս Այրեսի արքեպիսկոպոս Խորխե Մարիո Բերգոլոն էր, մշտապես կողմ է եղել Հայոց ցեղասպանության ճանաչմանը:
Հարցն այն է, որ ով էլ լիներ Հռոմի Պապ, պարտավոր էր հարգել Վատիկանի որոշումները:
Հիշեցնենք, որ Հայաստանի և Սուրբ Աթոռի միջև դիվանագիտական հարաբերությունները հաստատվել են 1992թ. մայիսի 23-ին։ 1988թ. ավերիչ երկրաշարժից հետո Սուրբ Աթոռը Հայաստանին ցուցաբերել է մարդասիրական օգնություն՝ նվիրաբերելով Հայաստանի Աշոցքի շրջանում կառուցված «Տիրամայր Նարեկի» հիվանդանոցը:
Սուրբ Աթոռը 2000թ. նոյեմբերի 9-ին ճանաչել է Հայոց Ցեղասպանությունը՝ Վատիկանում Հռոմի Պապ Հովհաննես-Պողոս Բ-ի և Գարեգին Բ Ամենայն Հայոց Կաթողիկոսի միջև ստորագրված համատեղ հայտարարությամբ։
Այդ հայտարարությունը ուժի մեջ է և Վատիկանը, այսուհետ, ի դեմս հաջորդ պապերի, այդ հայտարարության իրավական ժառանգորդն է:
Այս տարիների ընթացքում երկկողմ հարաբերությունները շարունակական զարգացում են ապրել։
Կարևոր իրադարձություն էր նաև Հայաստանում քրիստոնեությունը պետական կրոն հռչակելու 1700-ամյակի կապակցությամբ 2001թ. սեպտեմբերին Հռոմի Պապ Հովհաննես-Պողոս Բ-ի գլխավորած պատվիրակության այցը Հայաստան։
http://www.armweeklynews.am/awn/m13/m_0178.htm
Leave a Reply