Մուշում բազմաթիվ տներ ջրածածկ են եղել

Մուշում ջերմաստիճանի կտրուկ բարձրացման և հալոցքների հետևանքով գետերը դուրս են եկել հուներից և ողողել բնակավայրերը, տեղեկացնում է Haber7 թուրքական լրատվական կայքը։

Բազմաթիվ տներ ծածկվել են ջրով։ Շատ բնակիչներ ստիպված են եղել դուրս գալ տներից և տեղափոխվել ավելի անվտանգ վայրեր։
Տներն ու գույքն էական վնաս են կրել։ Տեղական կառույցները սկսել են բնակիչների տարհանման աշխատանքները և փորձում են կանխել հնարավոր հեղեղման վտանգը կամ գոնե նվազագույնի հասցնել այն։

Բնակիչներից մեկը պատմել է, որ դժվարությամբ է հաջողվել երեխաներին դուրս բերել տնից, իսկ հետը ոչինչ չի կարողացել վերցնել, քանի որ տան գույքն այլևս պիտանի չէ։

http://tert.am/am/news/2013/03/14/mush/