Կիրո Մանոյան. Արգենտինացի Խորխե Մարիո Բերգոլիոյի պապ ընտրվելն, անկասկած, կնպաստի Հայոց հարցի առաջխաղացմանը

Հռոմի պապի պաշտոնում արգենտինացի Խորխե Մարիո Բերգոլիոյի ընտրվելն, անկասկած, կնպաստի Հայոց հարցի առաջխաղացմանը միջազգային ասպարեզում:

Այդ մասին ԱրմԻնֆոյի թղթակցի հետ զրույցում հայտարարել է ՀՅԴ Հայ դատի եւ քաղաքական հարցերով գրասենյակի ղեկավար  Կիրո Մանոյանը: 

«Սակայն մեկ բան է լինել կարդինալ, մեկ այլ բան` Հռոմի պապ: Թեև ես, այնուամենայնիվ, կարծում եմ, որ նա այսուհետև էլ կպահպանի իր դիրքորոշումն այդ հարցի նկատմամբ», – ընդգծել է Մանոյանը: 

Ավելացնենք, որ  Բերգոլիոն միշտ բարեկամական կապեր է ունեցել հայ համայնքի հետ ու մասնակցել է տարբեր հայկական միջոցառումներին` նվիրված Հայոց ցեղասպանությանը, ներկա է եղել Ամենայն Հայոց կաթողիկոսի մատուցած պատարագներին։

Ավելին, 7 տարի առաջ արքեպիսկոպոսը հրապարակավ Թուրքիայից պահանջել է առանց նախապայմանների ընդունել Ցեղասպանության փաստը։ Նա ընդգծել է, որ հայերը կարիք ունեն, որպեսզի հարգվեն մարդու իրավունքները, քանի որ ենթարկվել են ամենածանր ոճրի` ցեղասպանության։

www.arminfo.am