Թուրքիայի մեջլիսի Խաղաղություն և ժողովրդավարություն քրդական կուսակցության պատգամավոր Ալթան Թանը հայտարարել է, թես Թուրքիայի արևելյան նահանգներից երիտասարդներին հավաքագրում են` տանելով թուրք-սիրիական սահման` կռվելու, հաղորդում է Radikal-ը: Սահմանին հիմնական բախումները տեղի են ունենում քրդերի և Սիրիայի ընդդիմադիր ուժերի միջև, որոնց օժանդակում է թուրքական կողմը:
Թանը նշել է, որ միայն Բինգյոլից 60 երիտասարդ է տեղախոխվել ճակատ: Քուրդ պատգամավորը կոչ է արել կառավարությանը խախտել լռությունը և ասել, թե ինչ նպատակով են այս երիտասարդները տարվում կռվի, և թե ինչու է նրանց ինքնությունը թաքցվում: Նա նաև հայտնել է, որ երիտասարդների մի մասը սպանվել է: Հետաքրքիր է, որ ըստ Թանի` ճակատ են տեղափոխում հիմնականում զազաները:
Leave a Reply