Չանաքքալեում ավարտվել է հայկական եկեղեցին ներառող հրապարակի վերանորոգումը

Թուրքիայի արեւմուտքում գտնվող Չանաքքալե քաղաքի պատմական թաղամասում ավարտվել է Հաղթանակի հրապարակի շինարարությունը։

Թուրքական «Իհլաս» լրատվական գործակալության փոխանցմամբ՝ Թուրքիայի Չանաքքալե քաղաքի Հաղթանակի հրապարակը, որը նվիրված է Առաջին համաշխարհային պատերազմի ժամանակ անգլիական նավատորմի դեմ տարած հաղթանակին, ներառում է հայկական Սուրբ Գեւորգ եկեղեցին, մզկիթ ու պատմական գրադարան եւ կազմում մոտ 2200 քմ։

Նշենք, որ 1669 թ. կառուցված հայկական Սուրբ Գեւորգ եկեղեցին Հայոց ցեղասպանությունից հետո լքվել է։ Այնուհետ այն օգտագործվել է որպես էթնոգրաֆիկ թանգարան եւ փորձերի դահլիճ։ Իսկ վերջերս այն հանձնվել է Չանաքքալեի «Մարտի 18» համալսարանին որպես մշակույթի եւ արվեստի տուն։ 

http://news.am/arm/news/144299.html