Ստամբուլի Հեյբելի կղզում գտնվող հույն ուղղափառ եկեղեցու հոգևոր դպրոցը հիմնովին կվերանորոգվի:
Հիմնանորոգման աշխատանքները կազմակերպելու է Պոլսի հունաց պատրիարքարանը, իսկ դրանք իրականացնելու են Սալոնիկի Արիստոտելի անվան համալսարանի ճարտարապետության բաժնի մասնագետները:
Նշենք, որ Հելբելի կղզու հոգևոր դպրոցը երկար տարիներ չի գործում: Ստամբուլի փոքրաթիվ հույն համայնքն ու հունաց պատրիարքարանը փորձեր են ձեռնարկում` վերագործարկել Անկարայի որոշումով փակված կրոնական կրթարանը:
Ներկայում հավանականություն կա, որ թուրքական իշխանությունները կրկին կթույլատրեն, որ հոգևոր դպրոցում սկսվի դասավանդման գործընթացը, փոխանցում է «Ակօսը»:
Նշենք, որ Հեյբելի կղզու հոգևոր դպրոցը բացվել է 1844 թ.: 1894 թ. այն լուրջ վնասվել է երկրաշարժի հետևանքով, և այնտեղ երկու տարի շինարարություն է ընթացել: 1971 թ. Թուրքիայի իշխանությունների որոշումով հոգևոր դպրոցը դադարեցրել է աշխատանքը` փակ մնալով մինչ օրս:
Leave a Reply