ԱՄՆ Կոնգրեսի ներկայացուցիչները նամակ են գրել Էրդողանին՝ պահանջելով հետ վերցնել սիոնիզմի մասին ասած խոսքերը

ԱՄՆ Կոնգրեսի վերին և ստորին պալատների 89 ներկայացուցիչ նամակ են հղել Թուրքիայի վարչապետ Ռեջեփ Թայիփ Էրդողանին՝ պահանջելով հետ վերցնել սիոնիզմի վերաբերյալ արած սկանդալային հայտարարությունը, հայտնում է «Հուրրիյեթ»-ը։

Ուշագրավ է, որ նամակը ստորագրողների թվում կա թուրք-ամերիկյան բարեկամության խմբի 12 ներկայացուցիչ։
Ենթադրվում է, որ նամակի վրա մեծ է եղել հրեական լոբբիի ազդեցությունը։

Հիշեցնենք, որ Վիեննայում ՄԱԿ-ի «Քաղաքակրթությունների դաշինքի» գագաթնաժողովի ընթացքում Էրդողանը հայտարարել է, որ «իսլամաֆոբիան պետք է ընկալվի որպես մարդկության դեմ հանցագործություն՝ ինչպես սիոնիզմը, հակասեմականությունն ու ֆաշիզմը»։

Այդ խոսքերն արդեն բացասական արձագանքի են արժանացել Թել Ավիվի և Եվրոպայի հրեական համայնքի կողմից։

Սիոնիզմն ու ֆաշիզմը համեմատելու Թուրքիայի վարչապետի հայտարարությանն արձագանքել էր նաև ԱՄՆ-ն։ Պետքարտուղար Ջոն Քերին այդ արտահայտությունը «խիստ վիրավորական» էր որակել։

http://tert.am/am/news/2013/03/14/erdogan-sionism/