Շվեդիայի վարչապետ Ֆրեդրիկ Ռեյնֆելդտը Թուրքիայի նախագահ Աբդուլլահ Գյուլի հետ հանդիպմանը քննադատել է Թուրքիայում մամուլի ազատության վիճակը, հաղորդում է CNNTurk-ը:
Շվեդիայի վարչապետը նշել է, որ Թուրքիայում լրագրողների մեծ մասը ահաբեկչության պատճառով է ձերբակալված, իսկ ահաբեկչության մեկնաբանումը չափազանց վիճահարույց խնդիր է: «Թուրքիայի ընդունած դատական նոր փաթեթը ահաբեկչության ավելի նեղ սահմանում է ընդունում: Այժմ անհրաժեշտ է տեսնել, թե անկախ դատարանները ահաբեկչության նոր սահմանումը ինչպես կօգտագործեն»,- ասել է Ռեյնֆելդտը Գյուլին:
Դռնփակ հանդիպմանը ներկա են եղել նաև երկու երկրների արտգործնախարարները և բարձրաստիճան այլ պաշտոնյաներ: Ֆրեդրիկ Ռեյնֆելդտը հայտնել է, որ Շվեդիան աջակցում է Թուրքիայի` Եվրամիության անդամակցության գործընթացին:
Գյուլի և Ռեյնֆելդտի հանդիպումից հետո երկու երկրների արտգործնախարարները ստորագրել են փաստաթուղթ` թուրք-շվեդական ռազմավարական համագործակցության մասին:
Leave a Reply