Օջալանին կարող են նաև ազատ արձակել. թուրք հոդվածագիր

Թուրքական «Ռադիքալ» պարբերականի հոդվածագիր Ջենգիզ Չանդարը կարծում է, թե «Քրդստանի աշխատավորական կուսակցության» առաջնորդ Աբդուլլահ Օջալանը կարող է հրադադար հայտարարել Նովրուզ տոնից առաջ, իսկ արդեն ամռանը քրդական կազմակերպության անդամները կարող են լքել Թուրքիայի տարածքը:

Թուրք հոդվածագիրը հարցազրույցում նշել է, որ ինքը սպասում է` Նովրուզին ընդառաջ Օջալանը հրադադար կհայտարարի: Իսկ արդեն հուլիսին Թուրքիայում գործող PKK-ի անդամները կլքեն երկրի տարածքը:

Հետաքրքիր է, որ Չանդարը չի բացառել, որ թուրքական իշխանությունները կարող են ազատ արձակել ցմահ ազատազրկում կրող Օջալանին:

«Եթե այս երկրում Օջալանի հետ լուծում լինի, նա էլ դուրս կգա: Թուրքիան ի վերջո կարող է Օջալանին դուրս հանել բանտից և ընդունել նրան որպես քաղաքական դերակատար»,-նշել է թուրք հոդվածագիրը:

http://haynews.am/hy/1363029922