Մարտի 11-ին պաշտոնական այցով Շվեդիա ժամանած Թուրքիայի նախագահ Աբդուլլա Գյուլին «դիմավորել են» «Թուրքիա‘, ճանաչի‘ր 1915թ. Ցեղասպանությունը» գրությամբ թռչող պաստառները:
Ինչպես հաղորդում է ԱՄՆ-ում հրատարակվող Asbarez պարբերականը, յուրօրինակ ակցիան կազմակերպել է Շվեդիայի հայկական ասոցիացիաների միությունը. երբ Շվեդիայի թագավորական պալատում սկսվել է Աբդուլլահ Գյուլին դիմավորելու հանդիսավոր արարողությունը, մայրաքաղաք Ստոկհոլմի երկնքում (կենտրոնական շրջաններում) սավառնել են 20-րդ դ. սկզբին Օսմանյան կայսրության կողմից հայերի նկատմամբ իրականացված ոճրագործությունը ճանաչելու կոչով պաստառները:
Հավելենք, որ Աբդուլլահ Գյուլը Շվեդիա է ժամանել եռօրյա պաշտոնական այցով: Թուրքիայի նախագահն արդեն հանդիպել է Շվեդիայի թագավոր Կառլ 16-րդ Գուստավին: Նախանշված են հանդիպումներ նաև Շվեդիայի խորհրդարանի խոսնակի, վարչապետի, գործարար շրջանների ներկայացուցիչների, ինչպես նաև թուրքական համայնքի հետ:
Leave a Reply