Ավստրալիայի կրթական հանձնաժողովը պատրաստվում է ուսումնական պլանի մեջ մտցնել Օսմանյան կայսրությունում ազգային փոքրամասնությունների ցեղասպանությունների մասին տեղեկությունները:
Նման տեղեկություն է տարածել թուրքական «Դունյա Բյուլթենի» լրատվական կայքը:
Ավստրալիայում 2014 թվականից 10-րդ դասարանի աշակերտները Հոլոքոստի հետ մեկտեղ կանցնեն նաև Օսմանյան կայսրությունում հայերի, ասորիների, հույների և այլ ոչ մուսուլման ազգերի ցեղասպանությունների և կոտորածների մասին դասեր:
Նշվում է, որ Ավստրալիայում արդեն հզոր արշավ է մեկնարկել, որպեսզի դասագրքերում ընդգրկվի Հայոց ցեղասպանությունը, Սեյֆոն և հույների ցեղասպանությունը: Արշավին աջակցություն են ցուցաբերում Ավստրալիայում գործող հայկական, հունական և ասորական կազմակերպությունները:
Թուրքական կողմն արդեն սկսել է հակազդեցություն ցուցաբերել:
Leave a Reply