«Սարոյանի երկիրը» ֆիլմը կմասնակցի Ստամբուլի 32-րդ կինոփառատոնին

Ստամբուլի մշակույթի և արվեստի հիմնադրամի կողմից կազմակերպված Ստամբուլի 32-րդ կինոփառատոնը այս տարի կանցկացվի մարտի 30-ից ապրիլի 14-ը: Փառատոնի ընթացքում 20 անվանակարգերում կներկայացվեն 200-ից ավելի ֆիլմեր: «Ազգային մրցույթ» անվանակարգում «Ոսկե կակաչի» համար մրցելու է նաև Լուսին Դինքի հեղինակած «Սարոյանի երկիրը» ֆիլմը:
Վիլյամ Սարոյանը, ով ինքն իրեն ներկայացնում է որպես ամերիկացի և բիթլիսցի (բաղեշցի–Ակունքի խմբ,), 1964 թ. մի ճանապարհորդություն է կատարում դեպի Արևմտյան Հայաստան: Ահա հենց այս ճանապարհորդության մասին հուշերն ու պատմությունները, նրա ընկերների հետ խոսակցություններն են ընկած այս վավերագրական ֆիլմի հիմքում: «Ակօսը» գրում է, որ ֆիլմում Սարոյանի կերպարը մարմնավորում է լրագրող Ալի Բայրամօղլուն, Սարոյանի քեռու՝ Խոսրովի դերը խաղում է Գևորգ Մալիքյանը, իսկ Սարոյանի աներձագին՝ Ասլանին, մարմնավորում է Նիշան Շիրինյանը:
Կինոփառատոնի ժամանակ, այս տարվանից սկսած, տրվելու է «Սեյֆի Թեոմանի լավագույն առաջին ֆիլմ» մրցանակը՝ նվիրված Սեյֆի Թեոմանի հիշատակին:

http://ankakh.com/2013/03/293584/