Թուրք բառը չինացիներն են հնարել, Թուրքիան` Վենետիկի վաճառականները

Սպասվում է չինացիների կողմից տրված անվանումից անցում վենետիկցիների տրված անվանմանը:

Թուրքիայի գիտական շրջանակները շարունակում են բանավիճել թուրք ինքնության վերաբերյալ` արդեն ժամանակավրեպ համարելով իրավական հարթության վրա դրա կիրառումը:

Պրոֆեսոր Բասքըն Օրանը, ով նաև հայտնի անուն է Թուրքիայի քաղաքագիտական շրջանակներում, A Haber հեռուստաընկերությանը տված հարցազրույցում պնդել է, որ ժամանակն է երկրի սահմանադրությոնից և այլ իրավական ակտերից հանել «թուրք» բառը, քանի որ այն չի արտահայտում ժամանակակից իրականությունը: Ավելին, Օրանը պնդում է, որ ինչպես Մեծ Բրիտանիայի քաղաքացիներին են անվանում բրիտանացիներ, այնպես էլ Թուքիայի քաղաքացիներին պետք է անվանել թուրքիացիներ:

Նա խոսքով, չէ որ Մեծ Բրիտանիայում ապրում են նաև շոտլանդացիներ, իռլանդացիներ, գալիացիներ և անգլիացիներ: Այնպես էլ Թուրքիայում ապրում են քրդեր, չերքեզներ, զազաներ, հայեր, հույներ, հրեաներ և իրենց ազգությամբ թուրք համարողներ: «Ինչու էրզրումցի կլինի, իսկ թուրքիացի չի լինի»,- հռետորական հարց է տվել Բասքըն Օրանը:

Նա հեռուստադիտողներին տեղեկացրել է, որ թուրք և Թուրքիա անվանումներն ամենևեին էլ թուրքերից չեն գալիս: Չինացիներն են միջնադարում առաջինը շրջանառել թուրք անվանումը, իսկ Վենետիկի առևտրականները երկիրն անվանել են Թուրքիա:

Հիմա ինչու չինացիների կողմից տրված անվանում կարող ենք օգտագործել, իսկ վենտիկցիներինը` ոչ, հարցնում է գիտնականը հեռուստադիտողներին:

http://www.armweeklynews.am/awn/m13/m_0166.htm