ԳԴՀ Բունդեսթագի նախագահի գլխավորած պատվիրակությունն այցելեց Ծիծեռնակաբերդի հուշահամալիր

ԳԴՀ Բունդեսթագի նախագահՊաշտոնական այցով Երեւանում գտնվող ԳԴՀ Բունդեսթագի նախագահ Նորբերթ Լամմերթն ու նրա գլխավորած պատվիրակության անդամները մարտի 6-ին ՀՀ ԱԺ նախագահի տեղակալ Հերմինե Նաղդալյանի ուղեկցությամբ այցելեցին Ծիծեռնակաբերդի հուշահամալիր։

Բարձրաստիճան հյուրերը ծաղկեպսակ դրեցին Հայոց մեծ եղեռնի հուշարձանին, լռությամբ հարգեցին մեկ ու կես միլիոն անմեղ զոհերի հիշատակը։
ԳԴՀ Բունդեսթագի նախագահի գլխավորած պատվիրակությունը եղավ նաեւ Հայոց ցեղասպանության թանգարան-ինստիտուտում, ծանոթացավ Հայոց մեծ եղեռնը հավաստող վավերագրերին ու փաստաթղթերին։

Նորբերթ Լամմերթը գրառում կատարեց «Պատվո հյուրերի» հուշամատյանում. «Մեր անցյալի փորձից ելնելով՝ մեր զորակցությունն ու աջակցությունն ենք հայտնում ողջ հայ ժողովրդին»։

Լրագրողների հետ զրույցի ժամանակ ԳԴՀ Բունդեսթագի նախագահը նշելով, որ նման վայրեր կան նաեւ Գերմանիայում եւ աշխարհի շատ երկրներում, ասաց. «Դրանք հետեւանք են այն իրադարձությունների, որոնք չպետք է տեղի ունենային։ Բունդեսթագը 2005 թ. որոշում է կայացրել 1915 թ. տեղի ունեցած իրադարձությունների առնչությամբ։ Մենք դա արել ենք նկատի ունենալով մեր անցյալը, առանց որեւէ գնահատականի՝ միասնաբար կայացրել ենք այդ որոշումը՝ գիտակցումով, որ ինքնաքննդատական վերաբերմունքը սեփական պատմությանն այն կարեւոր նախադրյալն է, որը պետք է օգնի նման որոշումներ կայացնելուն՝ հանուն համընդհանուր լավ ապագայի»։

http://haynews.am/hy/1362580551

Leave a Reply

Your email address will not be published. Required fields are marked *

Վերջին Յաւելումներ

Հետեւեցէ՛ք մեզի

Օրացոյց

March 2013
M T W T F S S
 123
45678910
11121314151617
18192021222324
25262728293031

Արխիւ