Թուրքական դատախազությունը գործ է հարուցել հայտնի լեզվաբան, գրող և գործարար Սևան Նշանյանի դեմ: Այս մասին տեղեկացնում է թուրքական «Անադոլու» գործակալությունը:
Ստամբուլի հանրապետական դատախազությունը հայազգի գործչի նկատմամբ գործ է հարուցել` Մուհամեդ մարգարեին վիրավորելու մեղադրանքով:
Մասնավորապես, գործ հարուցելու համար հիմք է հանդիսացել Նշանյանի` իր անձնական կայքում Մուհամեդի վերաբերյալ գրված կարծիքը, որը թուրք իրավապահները «վիրավորական» են համարել: Նշանյանի դեմ այդ գրության համար բողոք է ներկայացրել 15 քաղաքացի:
Մեղադրող կողմը Նշանյանի համար պահանջում է 9 ամից մինչև 1,5 տարվա ազատազրկում: Առաջիկայում հայազգի մտավորականին կկանչեն դատարան:
Նշենք, որ սա առաջին դեպքը չէ, երբ Նշանյանը խնդիրներ է ունենում թուրքական արդարադատության համակարգի հետ:
Մինչ վերջերս նա լուրջ խնդիրներ ուներ Շիրինջե բնակավայրում պատմական տնները վերանորոգելու և այն հանգստյան գոտու վերածելու իր ծրագրի հետ. թուրքական իշխանությունները Նշանյանի տները համարում էին ապօրինի շինություններ և ցանկանում քանդել դրանք:
Leave a Reply