Ստամբուլահայ կանանց դեմ հարձակման մեջ մեղադրվողի ընկերը մանրամասներ է պատմել

Ստամբուլահայ տարեց կանանց դեմ հարձակման մեջ մեղադրանքով ձերբակալված Մուրադ Նազարյանի ընկերներից Մեհմեդ Ալի Այգանը հայտնել է, թե շատ է զարմացել, երբ Մուրադ Նազարյանին ձերբակալել են նման մեղադրանքով։

Թուրքական Cihan գործակալության փոխանցմամբ՝ Ստամբուլի ոստիկանությունում շարունակվում է Մուրադ Նազարյանի հարցաքննությունը, իսկ մինչ այդ լրագրողները փորձել են մանրամասներ ճշտել Մուրադ Նազարյանի մասին։  Նրա մասին որոշ տեղեկություններ է հայտնել Մեհմեդ Ալի Այգանը՝ շեշտելով, թե Մուրադ Նազարյանը վերջին 4 ամսում աշխատել է այն հյուրատանը, որտեղ որ նաեւ ապրել է։  Այգանը շեշտել է, թե շատ է զարմացել, երբ իմացել է, որ Մուրադին ձերբակալել են ստամբուլահայ կանանց դեմ հարձակումների մեղադրանքով։

Նշենք, որ թուրքական կայքերում տեղեկություններ են տարածվել, որ Ստամբուլի ոստիկանությունը հայ տարեց կանանց դեմ հարձակումներ գործելու կասկածանքով ձերբակալել է ստամբուլահայ Մուրադ Նազարյանին։

http://news.am/arm/news/142944.html