Հայաստանի քաղավիացիայի գլխավոր վարչությունը հերքում է «Հուրիեթի» տարածած տեղեկությունը

Հայաստանի քաղաքացիական ավիացիայի գլխավոր վարչություն` Երեւան-Վան չվերթի հետ կապված հայտ չի ներկայացվել: «Արմենպրես»-ի հետ զրույցում Քաղավիացիայի գլխավոր վաչության մամուլի խոնակ Նելլի Չերչինյանը նշեց, որ առաջիկա երկու շաբաթում չվերթի մեկնարկի մասին լուրերը չեն համապատասխանում իրականությանը: «Թռիչքի իրականացման համար հայտն ընդունված է ներկայացնել երկու շաբաթ առաջ, մինչդեռ քաղավիացիա նման հայտ չի ներկայացվել»,-ասաց նա:

Թուրքական «Հուրիեթ» պարբերականում օրերս Վանի առեւտրաարդյունաբերական պալատի անդամ Այհան Ֆիդանը հայտարարել էր, թե Երեւան-Վան չվերթը կիրականանա երկու շաբաթից: Վանում գործող տուրիստական 30 կազմակերպություններ զբոսաշրջային առաջարկների փաթեթ են կազմել, որը կնպաստի երկու քաղաքների միջեւ թռիչքների իրականացմանը: «Մենք նպատակ ունենք դեպի Վան կատարվող թռիչքներով ծածկել չվերթների 79 տոկոսը»,-նշել է Ֆիդանը` հույս հայտնելով, որ Ստամբուլում տեղի ունեցող երկկողմ առեւտուրը եւս կարող է տեղափոխվել դեպի Վան` հաշվի առնելով տրանսպորտային պակաս ծախսերը: 

Գործարարի նման հայտարարությունը Հայաստանի արդյունաբերողների եւ գործարարների միության նախագահ Արսեն Ղազարյանը որակել էր որպես թյուրիմացություն: «Ինչքանով ես տեղյակ եմ կազմակերպիչներից, նման բան չկա: Հավանաբար թուրք գործարարը թյուրիմացաբար է նման հայտարարություն արել»,- նշել էր Արսեն Ղազարյանը, ով «Արմենպրես»-ի մամուլի սրահում տեղի ունեցած ասուլիսի ժամանակ հայտարարել էր, որ Երեւան-Վան չվերթները հնարավոր է մեկնարկեն գարնանը: «Թուրք գործարարները կողմ են Երեւան-Վան ավիաչվերթների իրականացմանը, որպեսզի դեպի Վան եւ Աղթամար զբոսաշրջային ուղին ավելի դյուրին լինի: Խնդիրները դեռ տեխնիկական են: Համապատասխան չափի ինքնաթիռների ձեռքբերման հարց պետք է լուծվի»,-ասել էր նա։

http://armenpress.am/arm/news/701075/hayastani-qaxaviaciayi-glkhavor-varchutyuny-herqum-e.html