Anonymous ցանցահանների խումբը Թուրքիայում իջեցված Մոսկվա-Դամասկոս ուղևորափոխադրումն իրականացնող ինքնաթիռի վերաբերյալ փաստաթղթեր է գաղտնազերծել, տեղեկացնում է «Հուրրիյեթ»-ը։
Սիրիայի արտգործնախարարության էլեկտրոնային հասցեն կոտրած Ananymous-ը գաղտնազերծել է Օդային հաղորդակցության միջազգային կազմակերպությանը և «Արաբական ավիաուղիներ» կազմակերպությանն ուղարկված նամակները։
Յոթ էջանոց փաստաթղթում նշվում է, որ թուրքական F-16 տիպի կործանիչները ստիպողաբար են իջեցրել ինքնաթիռը՝ առանց օդաչուներին նախապես տեղյակ պահելու։
«Թուրքական F-16 ինքնաթիռներն ուղևորատար ինքնաթիռին մոտեցել են մինչև 50 կմ՝ վտանգելով ուղևորների կյանքը։ Օդաչուն հարկադիր վայրէջքի մասին որևէ զգուշացում չի ստացել, իսկ երբ հարցրել է, թե ինչն է պատճառը, թուրք դիսպետչերներն ասել են, թե տեղյակ չեն։ Արդեն վայրէջքից հետո, թուրք զինվորականներն ինքնաթիռ են մուտք գործել և, զենքեր պարզելով ուղևորների վրա, ստիպել են իջնել ինքնաթիռից, ինչի պատճառով ուղևորների շրջանում խուճապ է առաջացել»,-գրված է եղել կազմակերպություններին ուղարկված փաստաթղթում։
Leave a Reply