Հայաստանի և Թուրքիայի հետ սահմանը կվերանայվի

Արաքս գետի վարարումների և գետից անօրինական ավազի հանումը կրիտիկական իրավիճակ են ստեղծել:

Արաքս գետի վերջին տարիների վարարումները և Արարատի մարզի հատվածում պետական սահմանի երկարությամբ գետից ավազի անօրինական արդյունահանումը բավականին “փոքրացրել է” Հայաստանի տարածքը:

Անհրաժեշտություն է առաջացել Թուքրիայի հետ ճշտել Արաքս գետի հունի շեղումները և նոր սահմանային ենթակառույցներ կառուցել: Նախկին ԽՍՀՄ տարիներին նման հարցերը քննարկելու և ճշտելու համար ստեղծվում էր չորս անձից բաղկացած համատեղ հանձնաժողով: Թուրքիայի և ԽՍՀՄ-ի կողմից ներկայացվում էին երկուական լիազոր ներկայացուցիչներ:

Առայժմ հայտնի չէ, թե ինչ կարգով են Արաքս գետի հունի փոփոխությունների հիման վրա միջպետական սահմանները ճշտվում Հայաստանի և Թուրքիայի միջև, սակայն տեղեկություններ կան, որ տեղի են ունենում պարբերական հանդիպումներ թուրքական սահմանապահ ծառայության և Հայաստանում ռուսական սահմանապահ ծառայությունների ներկայացուցիչների միջև` Հայաստանի սահմանապահ ներկայուցուցչի մասնակցությամբ:

Երեկ և այսօր Հայաստանում էր գտնվում Ռուսաստանի Դաշնության պետական սահմանի բարեկարգման դաշնային գործակալության («Ռոսգրանիցա») ղեկավար Դմիտրի Բեզդելովը;

Նա հանդիպել է նախագահ Սերժ Սարգսյանի և ՀՀ ազգային անվտանգության խորհրդի քարտուղար Արթուր Բաղդասարյանի հետ:

Ենթադրվում է, որ առաջիկայում Հայաստանի և Թուրքիայի միջև միջպետական սահմանները կվերանայվեն և կհամապատասխանեցվեն Արաքս գետի ներկայիս հունի հետ:

http://www.armweeklynews.am/awn/mn12/mn_1201.htm