 Մխիթարյան միաբանության Սեւրի Սամուել Մուրատեան վարժարանային շենքերում նախատեսված է հիմնել Հայոց ցեղասպանության հուշահամալիր` բաղկացած թանգարանային բաժնից եւ հետազոտական ու դասախոսական կենտրոնից: Կենտրոնը միտված է լինելու ցեղասպանությունների եւ մարդկության դեմ կատարված ոճիրների ուսումնասիրություններին, համանման թեմաների շուրջ քննարկումների կազմակերպմանը եւ անցկացմանը, ինչպես նաեւ ֆրանսահայության քաղաքական, տնտեսական, մշակութային կյանքի, ֆրանսիական հողի վրա նրանց հարյուրամյա գործունեության եւ քաղաքացիական հանձնառության լուսաբանումներին:
«Ցեղասպանության կենտրոնական հարցեն անդին, որ հայերու` Ֆրանսա հաստատվելուն ծննդյան վկայագիրն իսկ է, մեր ծրագրի նպատակն է Մայր քաղաքի մեջ հիմնարկացնել հայկական ներկայությունը եւ փորձառությունը: Էապես քաղաքացիական ծրագիր մըն է, ուժականության տեր, գիտական, դեպի ապագան հարող, որ պարզ թանգարանային եւ հուշագրային շրջանակեն անդին կանցնի», ասել է հիշյալ ծրագիրն իրագործող «Սեւր-2015» ընկերակցության նախագահ Ժիրայր Կերկերյանը: Ծրագրի սկիզբը լինելու է անկախ հիմնադրամի հաստատումը, որն օգտվելու է Մխիթարյանի անշարժ գույքի եկամուտներից, որոնք տեղակայված են Փարիզի մերձակայքում` շրջապատված հայահոծ համայնքներով: «Սեւր-2015» ընկերակցությունից տեղեկացնում են, որ Ցեղասպանության հուշահամալիրի ծրագիրը հիմնված է ազգային մեծածավալ աջակցության վրա` գործունեության թափանցիկության սկզբունքով: Համալիրի բացումը նախատեսված է 2015 թվականին, Ցեղասպանության 100-րդ տարելիցին: |
Հայոց ցեղասպանության հուշահամալիր Սևրում
•
Leave a Reply