Թուրքիայում աշխարհիկ կարգերի թաղման հերթական քայլն են արել

Իսլամիստական հայացքներով հայտնի Թուրքիայի իշխող Արադարության եւ զարգացում կուսակցության ջանքերով Թուրքիայի դպրոցներում այսուհետ պարտադիր չէ դպրոցական համազգեստով դասի հաճախելը։

Թուրքական CNNturk-ի փոխանցմամբ, Թուրքիայի Պաշտոնական թերթի (Resmi Gazete) հրապարակման համաձայն, այսուհետ Թուրքիայի ազգային կրթության նախարարությանը պատկանող բոլոր դպրոցներում աշակերտները կարող են կրել ցանկացած տիպի հագուստ, իսկ կրոնական «Իմամ-հաթիփ» դպրոցի աշակերտուհիները կամ Ղուրանի դասընթացներն ընտրած աշակերտուհիները կարող են գլուխները ծածկել գլխաշորով։

Մասնավոր դպրոցներ աշակերտների հագուստի հարցը կարգավորվելու է դպրոցի տնօրինության հետ։

Հիշյալ օրենքը չի տարածվում միջպետական ծրագրերով ստեղծված դպրոցների, արտասահմանյան դպրոցների եւ ազգային փոքրամասնությունների դպրոցների վրա։

http://news.am/arm/news/130142.html