«Համշեն. անցյալի ու ներկայի խաչմերուկում» ֆիլմին` Վեգների անվան մրցանակ

«ՀԱՄՇԵՆ. ԱՆՑՅԱԼԻ ՈՒ ՆԵՐԿԱՅԻ ԽԱՉՄԵՐՈՒԿՈՒՄ» վավերագրական ֆիլմը ներկայացնում է ժամանակակից Թուրքիայի Ռիզեի և Արդվինի նահանգներում բնակվող համշենցիներին, որոնց նախնիները դեռևս 18-րդ դարում ենթարկվել են բռնի իսլամացման («թուրքացման»)։

Տեղում կատարած նկարահանումների հիման վրա վեր է հանված համշենցիների այսօրվա մշակույթը՝ երգարվեստն ու պարը, սովորույթները, լեզվական վիճակը, կենցաղն ու զբաղմունքը, ինքնության հետ կապված նրանց ընկալումներն ու ժողովրդագրական պատկերը։

Ֆիլմը արժանացել է «Արփա» միջազգային կինոփառատոնի Արմին Թ. Վեգների անվան հեղինակավոր մրցանակին։

Ֆիլմի և սցենարի հեղինակն է Լուսինե Սահակյանը, խմբագիր և բարբառային տեքստերի թարգմանիչը` Սերգեյ Վարդանյանը:

http://haynews.am/hy/1353846951