Թուրքական Otokar ընկերությունը, որը երկրի նոր հիմնական տանկի` Altay-ի ստեղծմամբ է զբաղվում, բացահայտել է տանկի տեխնիկական տվյալները, հաղորդում է Defense Aerospace-ը:
Մինչև այս տարվա վերջ ընկերությունը պետք է երկրի ռազմաարդյունաբերության քարտուղարությանը ներկայացնել տանկի 4 նախատիպեր, իսկ մեքենայի սերիական արտադրությունը կսկսվի 2015թ.:
Otokar-ի տեղեկություններով, Altay-ը 60 տոնա քաշ կունենա, 1500 ձիաուժ հզորություն և հիդրոպնևմատիկ կախոցների համակարգ:
Տանկի անձնակազմը 4 մարդուց բաղկացած կլինի: Կհամալրվի 120 մմ տրամաչափի հիմնական թնդանոթով, որի փողի երկարությունը 55 տրամաչափ կլինի:
Altay-ի վրա հեռակառավարման մոդուլ կտեղադրվի: Այն կունենա 12,7 և 7,62 մմ տրամաչափի գնդացիրներ:
Մեքենան նաև հավելյալ ուժային ագրեգատ կունենա` նախատեսված էլեկտրաէներգիայի ապահովման համար, որը սնուցում է բազմաթիվ էլեկտրոնային բարդ համակարգերը:
Տանկի վրա կա ավտոմատացված կրակի կառավարման համակարգ, թիրախների որոնման և տարանջատման համակարգ: Ինչպես նաև կառավարման և կապի տեղեկատվական, կենսաապահովման և հորիզոնական հարթության մեջ 360 աստիճան տեսադաշտ ապահովող համակարգ:
Ի սկզբանե նախատեսվում էր, որ տանկի փորձարկումները պետք է սկսվեն 2015թ., սակայն Թուրքիայի վարչապետ Ռեջեփ Թայիփ Էրդողանը նախօրեին հայտարարել է, որ Otokar-ը երկու տարով գերազանցել է Altay-ի ստեղծման ժամանակացույցը, և փորձարկումները կսկսվեն արդեն հաջորդ տարի:
Leave a Reply