Ինտերնետում, «2 րոպեում ճանաչել երկիրը» ֆորմատի շրջանակներում, Թուրքիան ներկայացնող հոլովակն այնքան էլ դուր չի եկել թուրք հասարակությանը։
Սոցցանցերում քննարկումների ժամանակ թուրք օգտատերերը բողոքում են, որ այդ հոլովակի մեջ Թուրքիան ներկայացվել է զավեշտների երկիր, ինչը վիրավորական է։
«Ճանաչել Թուրքիան 2 րոպեում» հոլովակի մեջ ներկայացված են ինտերնետում բարձր դիտողականություն ապահոված մի շարք զավեշտալի իրադարձություններ, սկսած պարից մինչեւ ավտովթարներ։
Թուրքիան ներկայացնող հոլովակը սկսվում է պարերի զավեշտալի տեսարաններով, այդ թվում ներկայացված են թոռան համար «Ապաչիական պար» պարող Հասան Բաբայի պարը, էլեւատորից օգտվել չկարողացող մորն ու երեխային, 3 մետր բարձրություն ունեցող շաուրմա պատրաստողին, ուղիղ եթերում գլխին հարված ուտող հաղորդավարին, աշխարհում սպանության ամենավատ էկրանավորումով հայտնի դարձած թուրքական ֆիլմից հատված, զավեշտալի ավտովթարներ եւ այլն։
http://news.am/arm/news/129800.html
Leave a Reply