Թուրք հայտնի լրագրող, վերլուծաբան Մեհմեթ Ալի Բիրանդը CNNturk հեռուստատեսության եթերում անդրադարձել է այն պնդումներին, թե ինքը հայ է։
«Եթե հայ լինեի, հպարտ կլինեի և հպարտությամբ կբարձրաձայնեի այդ մասին»,-ասել է Բիրանդը։
Նա նշել է, որ ինքը քրդական արմատներ ունի, ու թեև իրեն քուրդ չի զգում, բայց նրանց ավելի լավ է հասկանում։
Անդրադառնալով ժամանակին քրդերի առաջնորդ Աբդուլլահ Օջալանի հետ իր արած հարցազրույցին՝ Բիրանդը նշել է, որ այսօր դարձյալ կցանկանար հարցազրույց անել նրա հետ, քանի որ հարցեր ունի նրան։
«Եթե ներում շնորհվի, Օջալանը կկարողանա կուսակցության առաջնորդ լինել»,-ասել է նա՝ հիշեցնելով, որ Յասիր Արաֆաթն ու Շիմոն Պերեսն էլ ժամանակին ահաբեկիչներ են եղել և մարդ են սպանել։
Նա հայտարարել է, որ եթե Օջալանը խորհրդարան մտներ, ապա վարչապետ Էրդողանին կհաջողվեր ներքին խաղաղություն հաստատել Թուրքիայում։
Leave a Reply