Ստամբուլում նշելու են Սայաթ-Նովայի ծնունդը

Հայ մեծ աշուղ եւ բանաստեղծ Սայաթ-Նովայի (Հարություն Սայադյան, 1712-1795) ծննդյան 300-ամյակը նշվելու է նաեւ Ստամբուլում` Հայկական մշակույթի եւ զորակցության կենտրոնում։

Ստամբուլում Հայկական մշակույթի եւ զորակցության կենտրոնում նոյեմբերի 25-ին` ժամը 16։00-ին, կներկայացվեն Սայաթ-Նովայի ստեղծագործությունները, որից հետո կցուցադրվի հայ մեծանուն ռեժիսոր Սերգեյ Փարաջանովի «Նռան գույնը» ֆիլմը, որը նվիրված է Սայաթ-Նովային։

Հիշեցնենք, որ նախորդ շաբաթ, Թուրքիայի մշակույթի եւ զբոսաշրջության նախարար Էրթուղրուլ Գյունայը նշելով, թե իրենք նշանակություն են տալիս տարբեր մշակույթներին եւ լեզուներին պատկանող ստեղծագործությունների հրատարակմանը, հայտնել էր, թե նախատեսում են հիշատակի գիրք հրատարակել` նվիրված հայ մեծ աշուղ եւ բանաստեղծ Սայաթ-Նովային։

http://news.am/arm/news/129312.html