Հայաստանի և Սփյուռքի մամուլի անհանգստությունը տեղին չէ

Թուրքիայի միակ հայկական գյուղը պահպանում է իր կարգավիճակը, քանի որ բնակչությանը հաշվարկվում է գրանցված բնակիչներով:

Հայաստանի և Սփյուռքի մամուլում մտահոգություն էր հայտնվել, որ Թուրքիայի միակ հայկական գյուղը` Վաքըֆլըն, կկորցնի իր իրավական կարգավիճակը: Անհանգստությունն առաջացել էր այն պահից, երբ Թուրքիայի Մեծ մեջլիսն ընդունել էր տեղական ինքնակառավարման մարմինների մասին նոր կանոնակարգ:

Այդ կանոնակարգով 2000 բնակչից պակաս ունենցող բնակավայրերը զրկվում էին քաղաքի կարգավիճակից, իսկ 500 բնակչից պակաս բնակչություն ունեցող գյուղերը զրկվում էին գյուղ համարվելու իրավական կրգավիճակից: Թուրքիայի Հաթայ նահանգի հայկական Վաքըֆլը գյուղում ներկայում բնակվում է շուրջ 320 մարդ:

Սակայն թուրքական նոր ՏԻՄ կանոնկարգով բնակչության թիվը հաշվարկվում է գյուղի բնակչության հաշվառման մատյանում գրանցված (ծխական մատյանի նմանաությամբ) և տվյալ համայնքում սեփականության իրավունք ունեցող բնակիչների թվով: Վաքըֆլը գյուղի հաշվառման մատյանում գրանցված են 1937 բնակիչներ, որոնցից 854-ը պահպանում են գյուղում սեփականության իրավունքը և կարող են դիտարկվել որպես “ժամանակավոր բացակայող”:

Այդպիսով Թուրքիայի միակ հայկական գյուղում թեև առկա բնակչությունը 320-ն է, սակայն պաշտոնական հաշվարկով այն 854 է:

Հետևաբար, Վաքըֆլը գյուղը պահպանում է իր իրավական կարգավիճակը և կարող է համարվել առաձին գյուղ:

http://www.armweeklynews.am/awn/mn12/mn_1161.htm